السلام عليكم , كيف الحال ياشباب حبيت اتكلم عن سياره متميزه من شركه كبيره الا وهي السيدان الفخمة جنيسيس من شركة هونداي الكوريه وهاذي الصور للنموذج الاولي اللي يعطي الانطباع الفعلي عن السياره :
السياره للان ماطرحت للبيع الا في امريكا وتغير شكلها قليلا وانشالله ماننحرم منها في السعوديه خصوصا انها سياره قويه بما تعنيه الكلمه وبسعر يعتبر اقل من جميع المنافسين واقوى منهم من جميع النواحي .
ملاحظه : على فكره الصور اللي رايح تشوفونه هي الصور الفعليه للسياره المطروحه بالاسواق الامريكيه .
وبسم الله ابدأ , بالبدايه رايح ابدأ بالموصفات :
المحرك متميز بقوته التي تبلغ 375حصان سعة 4.6 لتر بصمامات DOHC و بدفع خلفي وخصوصا انها نابعه من محرك ثمانيه سلندر برؤوس المنيوم اللي يعطي طاقه عاليه مع هدوء راقي وانطلاق من الصفر حتى ال100 كم ب 6 ثوان وسرعه محدده الكترونيا ب 210كم (يوجد محرك اخر 6 سلندر بقوة 290 حصان وسعة3.8 لتر) , و يتحكم بالسياره جهاز تعشيق 6 تغييرات مع خاصية شيفت ترونيك(عادي +اوتوماتيك) وسعة 77.24لتر من البنزين وتوزيع رائع للحجم يبلغ 53\47 %.
تتميز السياره بابعاد كبيره مقارنة بالمنافسات ( ليكزس جي اس , انفنتي أم , بي ام دبليو الفئه الخامسه , مرسيدس الفئه اي و الكرايسلر 300 سي واللي زيهم بالحجم من الانواع الفخمه )حيث يبلغ طولها 4.95 متر وعرض 1.86 متر وارتفاع 1.48 متر وقاعدة عجلات قدرها 2.93 متر .
الان رايح ابدا بالموصفات اللي عليها الكلام
بحكم ان السياره من فئه السيارات الفخمه وسيارة الجنسيس فيها كل الموصفات الرائعه اللي يمكن تطلبونها او حتى تتمنونها , نبدأ بالنظام الصوتي للسياره الللي يتكون من 17 سماعه بقوة 528 واط من شركة ليكسي كون(هاذي الشركه تصنع النظام الصوتي فقط للسياره الفخمه رولز رايس فانتوم باضافة للجنسيس ) مع مبدل 6 ديفيديات تدخل من الامام تتابعيا ومدخل يو اس بي للاي بود مع راديو عالي الوضوح ذو استقبال مباشر من الاقمار الصناعيه , وكما انها تشغل تلفزيون .
وميزة الدخول الذكي بدون مفتاح و التشغيل بضغطة زر التشغيل ,و يوجد شاشه بحجم ثمانية انشات مدعمه ب 30 جيجا هارد درايف ومشغل JPEG و بخاصية الاوامر الصوتيه و البلوتوث الحر للتحدث اثناء القياده بامان مع كاميرا للمساعدة في ايقاف السياره اثناء الرجوع للخلف .
بالنسبه للامان هناك الميزه الجميله وهي الاضاءه المتفاعله مع اتجاه السياره حيث تنحرف بزاويه انحراف اكبرمن زاوية انحراف السياره حتى تعطي مجال اكبر للسائق لرؤية الطريق والاجمل من ذلك الميزه اللي تحدد ارتفاع النور قياسا على ميلان السياره حيث يبقى النور على مستواه الطبيعي حتى لو تغير توازن السياره , يوجد ثمانية وسائد هوائيه موزعه بالكابينه , وفرامل EBD و ABS وفرامل مساعدة للوقوف بنظام EPB والنظام المتكيف للتحكم الاليكتروني بالسياره AVH الذي يحافظ على المسافه مابين السياره والسياره التي امامها والنظام المعروف للتحكم بالانزلاق او الحد منه في حالة حصوله ESC طبعا حجم الفرمل الاماميه هو 12.6 انش والخلفيه 12.4 انش وجنوط مقاس 18 انش .
بالنسبه للسعر مايقارب 165الف ريال سعودي وهاذا سعر السياره بالسوق الامريكي
ومادري كم رايح يكون بالسعوديه , اتوقع انه بال 180 الف ريال نظرا للموصفات اللي بالسياره
,انا داري انكم تقولون وش ذا الخرابيط
لكن هم يبغون يلعبون على كبير ويعطون الزبون حقه اللي يدفعه (السعر = الموصفات ) .
هاذي الصوره توضح بعض نقاط القوه الي تعتمد عليها الشركة في التفوق على الشركات المنافسه :
بكذا اكون ختمت موضوعي واتمني انه يحوز على رضاكم ويكون يبيض الوجه ولا اوصيكم بالردود الحلوه واذا فيه ذم والا انتقاد مايمنع انكم تقولونه بشرط انه هادف ويطور المستوى للجميع .